Félagar njóta fjölbreyttra orlofshlunninda.
Margskonar stuðningur við félagsfólk í leik og starfi.
"Brú er öflugt stéttarfélag sem veitir félögum sínum góða þjónustu og mikilvægt öryggisnet.
Því miður hefur borið á að stofnuð séu svokölluð gul verkalýðsfélög sem veita litla sem enga þjónustu og takmarkaðar tryggingar.
Þessi þróun er varhugaverð.
Hag launþega er best borgið í alvöru verkalýðsfélagi sem veitir fulla þjónustu."
Sigurður Haukur Harðarson.
Formaður BRÚAR
BRÚ félag stjórnenda á sér langa og farsæla sögu. Félagið hefur starfað óslitið frá árinu 1919 þegar Verkstjórafélag Reykjavíkur var stofnað.
Fyrstu áratugina sinnti félagið hagsmunabaráttu verkstjóra en þegar leið á 20 öldina var félagið opnað fyrir aðra stjórnendur og nafni þess breytt í BRÚ félag stjórnenda. Fyrir utan hagsmunabaráttu og aðstoð við félagsmenn hafa orlofsmál alla tíð verið mikilvægur þáttur í starfsemi félagsins.
Árið 2021 voru sumarhúsin orðin 5 auk tveggja hjólhýsa.
Fræðsla og símenntun hafa löngum einkennt starf félagsins enda er stefna félagsins að auka hæfni og þekkingu félaganna. Félagið er aðili að stjórnendanáminu við Háskóla Akureyrar, sem er 100% fjarnám. Félagið hefur alla tíð staðið fyrir skemmtunum fyrir félagsmenn og hefur jólaball félagsins verið haldið á hverju ári allt frá 1919. 100 ára afmælishátíð félagsins var haldin í Háskólabíó með stórtónleikum að viðstöddum fjölda félaga.
Framtíð Brúar er björt, stefna hefur verið mörkuð til að starfið verði enn þá öflugra og betra í framtíðinni.
Kennitala: 680269-6619