ÚTHLUTUNARREGLUR

REGLUR UM ÚTHLUTUN ORLOFSHÚSA Brúar félags stjórnenda

Umsækjandi skal vera löglegur félagsmaður samkvæmt 3. kafla 3. gr. og skuld- laus samkvæmt 6. gr. sama kafla í lögum félagsins, þeir félagsmenn sem greiða ekki til félagsins eru teknir út við fyrstu úthlutun, en settir inn aftur við síðari úthlutun.
Umsókn til sumardvalar þarf að berast félaginu fyrir 11. mars ár hvert. Allar umsóknir eru færðar í tölvu sem sér síðan um úthlutun samvkæmt 3. gr. úthlutunarreglna.
Félagsmaður vinnur sér inn eitt stig fyrir hvern mánuð sem hann greiðir til félagsins. Við sumar og páskaúthlutun nýtir hann 36 stig. Við vetrarúthlutun 

3 stig óháð tíma
Sæki tveir aðilar um sömu viku, í sama húsi og hafa jafnan rétt, skal tölva raða úthlutun. Ef ekki koma fram sér óskir um hús I og II verður dregið um húsin.
Umsækjanda er úthlutun hlýtur er óheimilt að framleigja til annarra, án samþykkis orlofsnefndar.
Verði lausar vikur eftir úthlutun mun orlofsnefnd úthluta þeim í byrjun útleigutímabils eftir ofangreindum reglum.
Félagsmönnum er stranglega bannað að framleigja húsin.
Leigjandi ber ábyrgð á húsinu og öllum búnaði þess á meðan á leigunni stendur og skuldbindur sig til að bæta tjón sem verður á leigutímanum. Leigjanda ber skylda til að tilkynna um tjón sem verða á leigutímanum á skrifstofu Bfs. Skylt er að skila húsinu hreinu og ganga vel um það og umhverfi þess og sjá um að hver hlutur sé á sínum stað við brottför. Gerist leigutaki brotlegur á áðurtöldum atriðum verður sendur reikningur til hans fyrir þrifum og/eða skemmdum og er gjaldfrestur reiknings 15 dagar. Sé reikningur ekki greiddur innan tiltekins frests verður reikningurinn sendur í innheimtu hjá lögfræðingi.
Verði félagi uppvís að slæmri umgengni í orlofshúsum, valdi skemmdum á þeim, munum þeim tilheyrandi eða umhverfi þeirra getur hann fyrirgert rétti sínum til orlofsdvalar um tiltekinn tíma er orlofsnefnd ákveður.
Umsóknir til dvalar utan þess tímabils sem kemur fram í 3. grein eru ekki háðar tímatakmörkunum að öðru leiti en því að sækja má að hámarki þrjá mánuði fram í tímann.   

Ferðastyrkur / orlofsstyrkur

Styrkurinn er 30,000- fyrir árið 2024. Sótt er um á orlofsvefnum og úthlutað eins og orlofshúsum. ATH að þrjú ár þurfa að líða á milli styrkja. Styrkurinn er greiddur út við framvísun reikninga og er frestur til 1. nóvember það ár

Við afbókun á leigum endurgreiðist 80%. Ef afbókað er með tveggja daga fyrirvara eða minna er ekki um endurgreiðslu að ræða.

ATH: GREIÐSLU FYRIR LEIGU ORLOFSHÚSA SKAL GANGA FRÁ STRAX EÐA EKKI SíÐAR EN 2 DÖGUM EFTIR ÚTHLUTUN, ANNARS VERÐA HÚSIN SKRÁÐ LAUS TIL LEIGU FYRIR AÐRA FÉLAGSMENN.