Sagan okkar
Á myndinni má sjá fyrstu fundargerð félagsins sem var rituð af Jóni Jónatanssyni, fyrsta ritara félagsins.
Fyrsta stjórn félagsins árið 1919:
Formaður - Bjarni Pétursson
Ritari - Jón Jónatansson
Gjaldkeri - Jóhannes Hjartarson
Í varastjórn árið 1919:
Formaður - Jónbjörn Gíslason
Ritari - Pétur Hansson
Gjaldkeri - Jón Erlendsson
Frá Verkstjórafélagi Reykjavíkur
til Brúar
Brú félag stjórnenda var stofnað þann 3. mars 1919 í húsi K.F.U.M., þá undir nafninu Verkstjórafélag Reykjavíkur. Félagið á sér því yfir aldargamla sögu. Á stofnfund félagsins mættu 22 menn og gerðust þeir allir stofnendur félagsins. Félagið varð til í kringum hagsmunabaráttu verkstjóra og hefur frá upphafi haft það að markmiði að standa vörð um réttindi, kjör og velferð félaga sinna.
Árið 2022 sameinaðist Verkstjórafélag Hafnarfjarðar Brú, en það félag hafði verið stofnað árið 1940.
Með sameiningunni styrktist félagið enn frekar og þjónustuhlutverk þess gagnvart stjórnendum á höfuðborgarsvæðinu varð víðtækara.
Í dag er Brú stéttarfélag fyrir stjórnendur og leiðtoga á höfuðborgarsvæðinu. Félagið leggur áherslu á öfluga og persónulega þjónustu, góða kjarasamninga, sjúkra- og menntasjóði, auk fjölbreyttra huggulegra orlofskosta.
Félagið á 8 hugguleg orlofshús og eru þau staðsett í Hálöndunum á Akureyri, Kerhrauni í Grímsnesi og við Skorradalsvatn.
